लिटिल च्याम्प मोन्टेसोरी स्कुल एउटा यस्तो शिक्षण संस्था हो जहाँ हाम्रा स-साना बाबु-नानीहरू कर-काप र डरले होइन स्वेच्छाले रमाउँदै, खेल्दै सिक्छन्‌ । यस संस्थामा परम्परागत तरिकाबाट होइन आजको युग अनुकूल नवीन शिक्षण पद्धतिद्वारा नानीहरूलाई बाल-मनोवैज्ञानिक तथा व्यवहारिक पद्धतिद्वारा खेल खेलाइँदै पठन-पाठन गराइन्छ ।डा. मेरिया मोण्टेसोरीद्वारा प्रतिपादित यस शिक्षण पद्धतिद्वारा पठन-पाठन गराउँदा नानीहरूलाई कुनै मानसिक बोझ झेल्नु पर्दैन । बरु उत्साहका साथ उनीहरूमा नयाँ-नयाँ विषय-वस्तुबारे ज्ञान हासिल गर्ने बानी पर्दछ । कक्षामा आवश्यकता अनुसार पठन-पाठन सामग्री र प्ले-हल मा पर्यापत खेलकुद सामग्रीले स-साना नानीहरूका बाल मस्तिष्कको विकासका साथ-साथ शारीरिक सुगठन एवं तन्दुरुस्तीमा पनि लाभ पुग्दछ । संक्षेपमा भन्नुपर्दा, लिटिल च्याम्प मोण्टेसोरी स्कुल वर्तमान युग सापेक्ष हाम्रा तानीहरूको भविष्य निर्माणको जग बसाल्ने एउटा भरपर्दो विकल्प हौ । असल बोली /बानी, सुसंस्कार एवं अनुशासन यस संस्थाका त्रिरत्न हुन्‌ । अत: यस संस्थालाई हामी सबैको माया र साझासढ्भावको आवश्यकता छ ।